ЦЯРЭШЧАНКА ВІКТАР ІВАНАВІЧ
30.01.1950
Кандыдат эканамічных навук.
Дацэнт па спецыяльнасці “эканоміка”.
Нарадзіўся ў в. Дубраўка Краснапольскага раёна.
Трудавы шлях пачынаў слесарам, фразероўшчыкам.
У 1975 годзе закончыў эканамічны факультэт Гомельскага дзяржаўнага універсітэта імя Францыска Скарыны, у 1990 – Міжнародны інстытут менеджмента ў Кіеве.
Вывучаў вопыт эканамічнага развіцця краін у вучэбных установах і на семінарах у Германіі, Францыі, ЗША, Даніі, Чэхіі, Вялікабрытаніі, Кіпра і іншых.
Мае вопыт работы на кіруючых пасадах ў арганізацыях дзяржаўнага і гаспадарчага ўпраўлення, а таксама навукова-эканамічнай, вучэбна-выкладніцкай і грамадскай дзейнасці.
Удзельнік ліквідацыі вынікаў аварыі на Чарнобыльскай АЭС.
З 1994 па 2004 год – генеральны дырэктар СООО “Міжнародны інстытут менеджменту (МІМ Беларусі)”.
У 1994 годзе – начальнік кіравання па справах тэрыторый Адміністрацыі Прэзідэнта Рэспублікі Беларусь.
З 1993 па 2004 год выбіраўся старшынёй Беларускага грамадскага аб’яднання “Народная дыпламатыя”, з 1994 па 2000 год – старшынёй Беларускай народнай партыі.
У 2004-2005 гадах быў главой Прадстаўніцтва у Рэспубліцы Беларусь Выканкама славянскіх народаў Беларусі, Расіі, Украіны.
У 1996-2000 гадах быў дэпутатам Вярхоўнага Савета XIII склікання.
Кандыдат у Прэзідэнты Рэспублікі Беларусь на выбарах у 2010 годзе.
Лаўрэат Міжнароднай ўзнагароды “Святая Сафія. За асабісты ўклад у адраджэнне духоўнасці, нацыянальнай навукі і культуры”.
Член – карэспандэнт Міжнароднай інжынернай акадэміі (Масква).
У 2004 годзе за выдатны ўклад у развіццё тэорыі і практыкі кіравання сучаснай эканомікай Беларуская інжынерная акадэмія удастоіла В. І. Цярэшчанку вышэйшага кваліфікацыйнага звання – доктар-інжынер.
Аўтар больш 80 навуковых прац па пытанням развіцця эканомікі і дзяржаўнасці Беларусі. У сааўтарстве з эканамістам Доўгелям Я. С. у 2015 гаду выдалі кнігу “Выход из кризиса найден. Успеем ли выйти?”. У сучасны час – старшыня Савета дырэктароў ООО “ГрандКалендула” (асноўная задача арганізацыі – прыцягненне інвестыцый у Рэспубліку Беларусь для рэалізацыі інавацыйных і прыродаахоўных праектаў).