У Краснапольскую раённую бібліятэку былі запрошаны выхаванцы аздараўленчага лагера “Патрыёт” Палужскай сярэдняй школы на гістарычнае падарожжа “Давай ганарыцца, што мы Беларусы!”.
Удзельнікі, разам з бібліятэкарам, адправіліся ў незвычайнае падарожжа, па беларускай зямлі.У ходзе мерапрыемства удзельнікі пабывалі на станцыі “Гарады Беларусі”, на якой успомнілі пра старажытныя гарады і пра сучасныя, ўспомнілі назвы абласных гарадоў.
На станцыі “Экалагічная” бібліятэкар расказала пра прыроду Беларусі, пра жывёл, пра вадаёмы, пра запаведнікі, якія аберагаюцца дзяржавай.
З захапленнем удзельнікі прынялі ўдзел у “Краязнаўчым калейдаскопе”, адказвалі на розныя пытанні. Пабывалі на станцыі “Чым і кім славіцца мой край”, успомнілі гістарычных асоб, якімі ганарацца сучасныя беларусы. Выконвалі заданні, падрыхтаваныя бібліятэкарам, якія дапамаглі ім успомніць яркія старонкі гісторыі нашай дзяржавы.
Любоў да Радзімы пачынаецца з любові да зямлі, дзе нарадзіўся і вырас. Мала проста любіць свой родны край, трэба ведаць яго гісторыю, культуру і традыцыі.
