Ленінская сельская бібліятэка прадставіла агляд літаратуры «Іван Шамякін -Летапісец эпохі». На выстаўцы экспануюцца зборы твораў Івана Шамякіна, біяграфічныя і літаратуразнаўчыя публікацыі даследчыкаў яго творчасці.
Іван Шамякін – гэта феномен беларускай літаратуры, летапісец сваёй эпохі. За сваё доўгае жыццё пісьменнік напісаў вялікую колькасць літаратурных твораў, якія сталі класікай беларускай літаратуры, і якую на сённяшні дзень людзі актыўна чытаюць, пагружаючыся ў ваенны свет галоўных герояў і ўспамінаў аўтара.
Кожная яго кніга ўтрымлівае каштоўны духоўны і маральны змест, а гэта дае нам магчымасць адчуць і зразумець, як жылі людзі ў той час, што іх хвалявала, аб чым яны марылі. Выстава будзе цікавая ўсім, хто любіць чытаць па-беларуску, і каго цікавіць жыццёвы і творчы шлях знакамітага аўтара.
